काठमाडौं -फिल्म ‘ए साथी सुन’को टिजर सार्वजनिक गरिएको छ । फिल्ममा वर्षा सिवाकोटीको मूख्य भुमिका रहेको छ । फिल्म बदलाको कथावस्तुमा आधारित छ । फिल्मलाई रामराघव आचार्यले लेखन तथा निर्देशन गरेका हुन् ।
डेब्यु अभिनेता रमेश बानियाँ, सुशील पोखरेल, विमला गिरी, जयनन्द लामा र सुवास साहको समेत अभिनय छ । यो फिल्मलाई जयनन्दको अन्तिम फिल्म समेत भनिएको छ ।
फिल्मलाई बिना कार्की र सन्तोषकुमार राईले मिलेर निर्माण गरेका हुन् । ‘प्रेमगीत ३’ फेम्ड सुदीप पौडेल यसका सहनिर्माता हुन् । फिल्म इभान इन्टरटेनमेन्टको प्रस्तुतिमा निर्माण भएको हो । यसलाई देशव्यापी आरआर फिल्म्सले वितरण गर्नेछ । फिल्म ‘ए साथी सुन’ जेठ ५ गते रिलिज हुँदैछ ।
