काठमाडौं – जापानमा एक नेपालीको हृदयघातबाट निधन भएको छ । मृत्यु हुनेमा गलुङको गलकोट नगरपालिका वडा नम्बर ७ का ४३ वर्षीय पदमबहादुर चोखाल रहेका छन् । उनी जापानमा कुक पेशामा कार्यरत थिए ।
विगत १४ वर्षदेखि जापानमा कार्यरत चोखाल मंगलबार आफ्नो आफ्नो नियमित कामबाट घर फर्केर श्रीमतीसँगै खाना खाएर सुतेकामा बिहान मृत अवस्थामा भेटिएका थिए । चोखालको नेपालमा एक छोरीसमेत रहेकी छन् ।
उनि जापानको सिनगावा नजिकै श्रीमतीसँगै बस्दै आएका थिए । स्वर्गीय चोखालको मार्च ११ जापानमै अन्तिम संस्कार गरिने एनआरएनए जापानका वरिष्ठ उपाध्यक्ष नविन निउरेले जानकारी दिए ।
