काठमाडौँ । संसारकै सबैभन्दा बुढो कुखुरा कहाँ होला रु यो अनौठो प्रश्न पक्कै पनि हो । किनकी कुखुराको आयू निकै कम हुन्छ त्यसमा पनि गिनिज बुकमा कुखुराले नाम लेखायो भन्दा जो कोहीलाई आश्चर्य लाग्न सक्छ । गिनिज बुक अफ वल्र्ड रेकर्डसका अनुसार संसारकै सबैभन्दा बुढो कुखुरा अमेरिकाको मिचिगनमा रहेको छ ।
उक्त पोथी कुखुराको नाम पिनट राखिएको छ । चल्ला अवस्थामै आमाले छाड्दा झण्डै मृत्युको मुखमा पुगेको पिनटले आफ्नो जीवजनका २ दशक सफलतापूर्वक पार गरेको समेत गिनिज बुक अफ वल्र्ड रेकर्डसले जनाएको छ ।
हालै गिनिज बुक अफ वल्र्ड रेकर्डसमा नाम दर्ता गर्ने समयमा यो कुखुराको उमेर अर्थात मार्च १ गते कम्तिमा २० वर्ष ३०४ दिन पुगेको बताइएको छ ।
पिनट अहिले कमजोर वृद्ध पोथी बनिसकेको कुखुरा पालक मार्सीले बताउँदै आएकी छिन् । मार्सी डार्विन अवकाशप्राप्त लाइब्रेरियन हुन् । उक्त कुखुरा जन्मदेखि नै पालिरहेको र उक्त कुखुरा बान्टाम नश्लको भएको उनले बताइन् ।
