काठमाडौँ । दीपकराज गिरी र दीपाश्री निरौलाको फिल्म ‘छक्का पन्जा ४’ले बक्स अफिसमा बम्पर व्यापार गरिररहेका बेला यसले कतिसम्मको व्यापार गर्ला भन्ने विषय अहिले धेरैको चासो बनिरहेको छ । शुक्रबारदेखि प्रदर्शनमा आएको फिल्मले रिलिजको पाँचौ दिनसम्म बक्स अफिसमा ५ करोड भन्दा बढीको ग्रस कलेक्शन गरिसकेको निर्माण पक्षको दाबी छ ।
फिल्मले बक्स अफिसमा धमाकेदार कमाईरहेका बेला यसका कलाकारद्धय केदार घिमिरे र बेनिशा हमालको कामको सबैले तारिफ गरिरहेका छन् । फिल्मको मुख्य नायिकाको रुपमा रहेकी बेनिशा हमाल एक शक्तिशाली पात्रको रुपमा उदाएकी छिन् ।
जहाँ नायिका बेनिशा युट्युबरको रुपमा देखिएकी छिन् । उनका कारण ठूला ठूला बिषयको भण्डाफोर भएको दृश्यहरु फिल्ममा देख्न पाइन्छ । बेनिशाकै कारण फिल्ममा देखिने परिवर्तन गज्जबको छ । उनको करिअर सुखद तरिकाले अगाडि बढ्न नसकिरहेका बेला ‘छक्का पन्जा ४’मा बेनिशाले सशक्त अभिनय र बलियो भूमिका पाएसँगै उनको करियरले पनि राम्रो मोड लिने संभावना बढेको छ ।
