काठमाडौ । आगामी चैत्रको २४ गते रिलीज गर्ने घोषणाका साथ सामाजिक फिल्म प्रसाद २ को टेलर सार्वजनिक गरिएको छ।प्रसादको सफलतापछि त्यसको सिक्वेलस्वरुप प्रसाद २ निर्माण गरिएको हो। सुदर्शन थापाले निर्देशन गरेको फिल्मले राजनीतिक र सामाजिक कथा उठान गरेको छ। फिल्ममा विपिन कार्की र केकी अधिकारी मुख्य भूमिकामा छन्। उनीहरुको वैवाहिक जीवनपछि जातीयताको कारण आउने समस्या, त्यसमा अन्य व्यक्तिले गरेको षड्यन्त्र टझेलरमा देखाइएको छ।
विपिन र केकीका साथमा अर्पण थापा, महेश त्रिपाठी, कमलमणि नेपाललगायतका कलाकारले अभिनय गरेको फिल्ममा सुशील पौडेलको कथा, राजनराज सिवाकोटीको संगीत, राजेश श्रेष्ठको छायांकन र मिलन श्रेष्ठको सम्पादन रहेको छ।नेपाल समचारपत्रमा खबर छ । सुलभ थापा प्रोडक्सनको सहयकार्यमा एसजी फिल्म्स्को ब्यानरमा सुदर्शन बस्नेतको निर्माण र सुभाष थापाको प्रस्तुतिमा फिल्म निर्माण गरिएको हो।
यो पनि : एक हजार २६ करोड संकलनसहित पठान किर्तिमानीमा : शाहरुख खान अभिनित पठानले १०२६ करोड संकलन गरेको छ ।
गत जनवरी २५ मा रिलजि भएको पठानले हिन्दी सिनेमाको इतिहासमा सबैभन्दा बढी रकम संकलन गरेर किर्तिमान कायम गरेको छ ।
यसअघि दक्षिण भारतीय फिल्म बाहुबली–२ र केएफजी–२ ले बनाएको हजार करोड भन्दा माथीको किर्तिमानलाई तोडदै बलिउडको पठानले सबैभन्दा बढी रकम सकंलन गरेर किर्तिमान कायम गरेको हो ।
सो फिल्ममा शाहरुखको अलबा, दिपिका पादुकोण र जोन अब्राहमलगायतको अभिनय रहेको छ ।
बायकट बलिउड ट्रेन्डलाई परास्त गदै पठानले किर्तिमानी कलेक्सन कायम गरे पछि बलिउडमा उत्साह छाएको छ । दक्षिणी फिल्महरुले भारतमा कब्जा जमाउन थाले पछि चिन्तित बलिउडकर्मीलाई पठानको किर्तिमानी कलेक्सनसँगै साहस बढेको क्रिटिक्सहरुले टिप्पणी गर्न थालेका छन् ।
