बलिउडका कलाकारका लागि अब हलिउड टाढा रहेन । बलिउडका धेरै जसो कलाकारले हलिउडमा आफ्नो कला कौशल देखाईसकेका छन् । बलिउडकै नायिकाको कुरा गर्ने हो भने प्रियंका चोपडा जो हलिउडमा पुरै जमिसकेकी छिन् । त्यस्तै दिपीका पादुकोणले पनि हलिउडमा आफ्नो उपस्थिती जनाई सकेकी छिन् ।
त्यस्तै ऐश्वर्या राय बच्चनले पनि हलिउडमा अभिनय देखाईसकेकी छिन् । पछिल्लो समय ज्याक्वीलिना फर्नाण्डेजले पनि हलिउडमा पाईला सारी सकेकी छिन् । यसैक्रममा अब बलिउडकी क्यूट नायिका आलिया भट्टले पनि अब हलिउडमा उपस्थिती जनाउने भएकी छिन् । अन्र्तराष्ट्रिय संचार माध्यमका अनुसार उनले एउटा हलिउड फिल्ममा साईन गरिसकेकी छिन् ।
बलिउडमा भ्याई नभ्याई भईरहेका बेला उनले हलिउड तिर पनि आँखा लगाएकी हुन् । उनले हलिउडको चर्चित विलियम मोरेस इन्डेभर इन्टरटेनमेन्ट एजेन्सीसँग सम्झौता गरिसकेको बताइएको छ । आलियाका आधा दर्जन जति फिल्महरु रिलिजको अन्तिम संघारमा रहेका छन् । गंगुबाई कठैयाबाडी’, ‘ब्रम्हास्त्र’, ‘डार्लिङ’ , ‘रकी और रानी’ लगायतका फिल्ममा काम गरिरहेकी छिन् ।
