काठमाडौं । गायिका समीक्षा अधिकारीले सामाजिक संजालमा आँफुलाई तथानाम गाली गरेको र आफ्नो चरित्र हत्या गरिएको भन्दै आपत्ति जनाएकी छिन् ।
उनले सामाजिक संजालमा स्टाटस लेख्दै आफूले लेख्दै नलेखेको कुरा भाइरल बनाएर चरित्र हत्या गरिएकोमा आपत्ति जनाउँदै त्यसो नगर्न आग्रह पनि गरेकी छन् ।
फेसबुकमा समिक्षा लेख्छिन् ‘हुँदा हुँदै फोटोसप गरेर यतिसम्म चरित्र हत्या रु प्लिज यसो नगरिदिनुहोला।’ अभिनेता पल शाह जेलमुक्त भएपछि समीक्षाले फेरि सँगै काम गर्ने भनेर लेखेको स्टाटस भाइरल भएसँगै समिक्षाले उक्त फेक स्टाटसको खण्डन गर्दै चरित्रहत्या नगरिदिन सबैमा सविनय अनुरोध गरेकी छिन् ।
पल जेलमुक्त भएको दिन भाइरल भएको फोटोसप गरेको नक्कली स्टाटसमा भनिएको छ – ‘प्यारो दादा पल शाह जेलमुक्त भएकोमा बधाइ तथा शुभकामना ।
विगतका तिता अनुभव विर्सेर सांगितिक क्षेत्रमा हाम्रो सहकार्य हुने कुरामा म विश्वस्त छु । गत वर्ष फागुन १५ गते नै समातिएका पल १ वर्ष पुगेकै दिन गएको फागुन १५ गते उनी जेलमुक्त भएका हुन् ।
