काठमाडौं – शुक्रबारदेखि प्रदर्शन हुन लागेको फिल्म ‘छक्कापञ्जा ४’ नँया गीत सार्वजनिक भएको छ । सार्वजनिक गीतमा माग्नेबुढाको स्वर रहेको छ । गीतमा फिल्मका शीर्ष सबै कलाकारलाई व्यंग्य गरिएको छ । वाहित दीपाश्रीदेखि दीपकराज गिरीसम्मको ढल्किंदो उमेर तथा अभिनेत्रीहरु बेनिशा हमाल, मलिना जोशी र स्वस्तिमा खड्कालाई पनि गीतमा कटाक्ष गरिएको छ ।
माग्ने बुढाको आफ्नै कम्पोजमा तयार भएको गीतको भिडियोमा कार्यकारी निर्माता तथा अभिनेता निर्मल शर्मालाई पनि फिचर्ड छन् । प्रमोसनल गीतको रुपमा ल्याइएको यसमा फिल्मका महत्वपूर्ण दृश्यलाई समेत समावेश गरिएको छ ।
हेमराज बीसी निर्देशित कमेडी तथा सोसल ड्रामा छक्कापञ्जा ४ शुक्रबारदेखि नेपालसहित केही मुलुकमा रिलिज हुँदैछ ।
