काठमाडौं- गायक तथा अभिनेता प्रकाश सपुत फिल्म निर्माण तथा निर्देशनमा जुटेका छन् । यसैसाता धादिङमा सम्पन्न राष्ट्रिय लोक तथा दोहोरीगीत प्रतिष्ठानको आठौं महाधिवेशनको क्रममा उनले यसबारे सञ्चारकर्मीलाई जानकारी गराएका हुन् ।
पहिलो फिल्म ‘परदेशी २’ रिलिज नहुँदै फिल्म निर्माण तथा निर्देशनमा जुटेका प्रकाशले फिल्म घोषणा गर्ने तयारी गरेका छन् । आफ्ना गीतमार्फत चर्चित उनले म्युजिक भिडियोलाई पनि कथानक शैलीमा बनाउँदै आएका उनले फिल्मको निर्माण तथा निर्देशन आफै गर्न लागेका हुन् ।
उनले यसैसाता फेसबुकमा एक स्टाटस पोस्ट गर्दे लखेका थिए ‘बीचमा अलिकति अलमलिएँ । अब चाहिं नयाँ पागलपन सुरु भएको छ । पागलपनभित्र पाक्दैछ नयाँ परिकार । प्रतीक्षा गर्नुहोला ।’नारायण रायमाझी निर्देशित सोसल ड्रामा ‘परदेशी २’बाट सपुतले अभिनयमा डेब्यु गरेपनि यो फिल्मको रिलिज पटक–पटक सर्दै आएको छ ।फिल्ममा प्रकाशको मुख्य भुमिका रहेको छ ।
