काठमाडौँ । नयाँ वर्ष २०८० को पहिलो दिन अर्थात २०८० वैशाख १ गते प्रर्दशनमा आउने तयारीमा रहेको फिल्म ‘जारी’ टिजर सार्वजनिक भएको छ ।उपेन्द्र सुब्बाको डेब्यु निर्देशकीय फिल्मका रुपमा रहेको जारीमा दयाहाङ राई , मिरुना मगरसहित प्रेम सुब्बा, विजय बराल, रेखा लिम्बू, रोयदीप श्रेष्ठ, कमलमणि नेपाल, पुष्कर गुरुङलगायत कलाकारको अभिनय छ।
उपेन्द्र सुब्बाको लेखन र निर्देशन रहेको जारी’ को टिजरमा पूर्वी पहाडको लिम्बू समुदायको परम्परा, संस्कृति, भेषभूषा र परिवेशलाई देखाइएको छ । दुई मिनेट ४६ सेकेन्ड लामो टिजर कविताबाट सुरु भएर कवितामै टुंगिएको टिजरमा संवादहरू नै छैनन्।
जारी प्रथामाथि आधारित रहेको निर्माण भएको फिल्ममा सुरेश लिम्बूको कथा, झुमा लिम्बू र गङ्गा थापाको सङ्गीत, शैलेन्द्र कार्कीको छायाङ्कन र निमेष श्रेष्ठको सम्पादन छ । फिल्मका निर्माता रामबाबु गुरुङ हुन्।
