इंग्ल्यान्डका विश्वकप विजेता कप्तान इयान मोर्गनले क्रिकेट खेल जीवनबाट सन्यास घोषणा गरेका छन् । मोर्गनले सोमबार ३६ वर्षको उमेरमा क्रिकेटबाट सन्यास घोषणा गरेका हुन् ।
मोर्गनले गत जुनमा अन्र्तराष्ट्रिय क्रिकेटबाट सन्यास लिएका थिए । मोर्गनको कप्तानीमा इंग्ल्यान्डले २०१९ को आईसीसी एकदिवसीय विश्वकपको उपाधि जितेको थियो ।
मोर्गन एकदिवसीय र टी-ट्वान्टीमा इंग्ल्यान्डका सर्वाधिक रन बनाउने खेलाडी हुन् ।उनले एकदिवसीयमा ६ हजार ९५७ रन बनाएका छन् । टी-ट्वान्टीमा २ हजार ४५८ रन बनाएका छन् ।इंग्ल्यान्डका लागि उनले २ सय २५ एकदिवसीय र १ सय १५ टी ट्वान्टी अन्तराष्ट्रिय खेलेका छन् ।
