एजेन्सी । बलिउडकी पंगा गर्ल अर्थात् कंगना रनौतको निशानामा प्रायः कोही न कोही हुन्छन् । यसपटक उनको निशानामा आमिर खान परेका छन् । कंगनाले बलिउडका मिस्टर परफेक्शनिस्टलाई गरीब भनेकी छिन् । उनले बिभिन्न कलाकारको बारेमा ट्वीट गरेकी छिन् । आमिरसँगै अभिनेत्रीले दीपिका पादुकोण, आलिया भट्ट र प्रियंका चोपडालाई पनि निशाना बनाएकी छिन् ।
त्यसपछि उनको ट्विटको सर्वत्र चर्चा भइरहेको छ । कतिपयले सामाजिक सञ्जालमा कंगनाको समर्थन गरिरहेका छन् भने केहीले उनको विरोध गरिरहेका छन् ।वास्तवमा सामाजिक सञ्जालमा एउटा भिडियो भाइरल भइरहेको छ । जसमा आमिर खान उपन्यासकार र स्तम्भकार शोभा डेको नयाँ पुस्तक इन्सेटिएबल (माई हंगर फर लाइफको प्रमोशनल कार्यक्रममा उपस्थित थिए।
यहाँ सञ्चारकर्मीसँगको अन्तरक्रियामा कलाकारलाई लेखिका शोभा डेको भूमिकाका लागि सबैभन्दा परफेक्ट अभिनेत्री को होला भनेर सोधिएको थियो । जवाफमा आमिरले दीपिका पादुकोण, प्रियंका चोपडा र आलिया भट्टको नाम राखेका थिए । उनको जवाफमा आमिर खानले भने– यी अभिनेत्रीहरूले यो भूमिका राम्ररी निभाउन सक्छन् तर शोभा डेले आमिर खानलाई बीचमै रोक्दै भनिन्, ‘तिमी एउटी अभिनेत्रीको नाम बिर्सदैछौ, त्यो हो कंगना रनौत ।
शोभा डेको रिमाइन्डर पछि, आमिर खानले कंगनाको प्रशंसा गर्दै भने– ुहोु कंगनाले पनि राम्रोसँग खेल्न सक्छिन्। त्यसपछि के थियो कंगना रनौतले आमिर खानलाई आफ्नो निशानामा यो भाइरल भिडियोमा अभिनेतालाई ुगरीबु भन्दै उनले ट्वीट गरिन्– ुगरीब आमिर खान । उसले अभिनय गर्न सक्दो कोसिस गर्यो, जसलाई थाहा छैन कि म मात्र तीन पटकको राष्ट्रिय पुरस्कार विजेता अभिनेत्री हुँ। उसले उल्लेख गरेको कुनै पनि छैन। धन्यवाद शोभा जि म तपाईंको भूमिका निभाउन चाहन्छु।
