इंग्लिस प्रिमियर लिग फुटबलमा शीर्ष स्थानको आर्सनल ब्रेन्टफोर्डसँग बराबरीमा रोकिएको छ । शनिबार राति भएको खेलमा आर्सनलले ब्रेन्टफोर्डसँग एक एक गोलको बराबरीमा रोकिएको हो । घरेलु मैदानमा सुरुआती अग्रता जोगाउन नसक्दा आर्सनल बराबरीमा रोकिएको हो ।
खेलको ६६ औं मिनेटमा लिन्द्रो ट्रोसार्डले गोल गर्दै आर्सनललाई सुरुआती अग्रता दिलाएका थिए । तर, खेलको ७४ औं मिनेटमा इभान टोनीले गोल गर्दै ब्रेन्टफोर्डलाई एक एक गोलको बराबरीमा ल्याए । यस बराबरीसँगै आर्सनलले २१ खेलमा ५१ अंक जोडेको छ । आर्सनल शीर्ष स्थानमा यथावत रहेको छ ।
