काठमाडौं – नायिका पूजा शर्माले पलबिना फिल्म उद्योग नै खल्लो लागिरहेको बताएकी छन् । फिल्म ‘मनसँग मन’को विशेष शोमा बोल्दै भाबुक बनेकी पुजाले यस्तो कुरा बताएकी हुन ।
फिल्म हेरिसकेपछि मिडियासामु पललाई लिएर केही भावुक बनेकी उनले पल बिना आफूलाई नरमाइलो लागिरहेको र पलजस्तो कलाकार पाउन मुस्किल रहेको बताइन् ।
बोल्दै गर्दा पूजाले बलिउड अभिनेता शाहरुख खानको नाम समेत लिँदै पल शाह देख्दा शाहरुख खान नै लाग्ने बताइन् । शाहरुखकी फ्यान रहेकी उनले पललाई देख्दा पनि शाहरुख नै लाग्ने भन्दै उनले प्रशंसा गरिन् ।
शाहरुखलाई आफूले भगवान मान्ने बताउँदै पूजाले उनलाई नै हेरेर फिल्म करिअरमा आउने निर्णय समेत गरेको बताइन् । जबर्जस्ती करणीको मुद्दामा पल पक्राउ पर्दा पूजा रोएकी समेत थिइन् जुन कुरालाई फिल्म चलाउनका लागि रोएको भन्दै गसिप समेत बनाएका थिए ।
