काठमाडौँ । गीतकार हिरा काजी थापाको शब्द शृजनामा तयार ‘लान्छु आज सालीको हात मागेर’ बोलको कौडा गीतको भिडियो सार्वजनिक भएको छ । ओम सुनारको संगीत तथा संगीत संयोजन रहेको गीतमा खड्ग गर्बुजा र तृप्ति खड्का गुरुङको स्वर रहेको छ । सार्वजनीक कौडा गीतमा चर्चित हाँस्य अभिनेता बुद्धि तामाङ, वेदना राई र श्रवण थापा लगायतका कलाकारहरूको अभिनय छ ।
गीतकार थापाकै निर्देशनमा तयार सार्वजनिक गीतले गाउँ घरमा रमाइलो गर्दै कौडा खेल्दाको रमाइलो पक्ष र साली भेनाको सवाल जवाफलाई कलात्मक शैलीमा भिडियोमा कैद गरिएको छ । उत्सव दाहालको छायांकन तथा प्रविन भट्टको सम्पादन रहेको गीतका निर्माता सञ्जय थापा, सरिता थापा र सञ्जित आले हुन् ।
बेलायतबाट भर्चुअल माध्यमबाट आधा दर्जन बढी भिडियो निर्देशन गरिसकेका निर्देशक थापाको लान्छु आज सालीको हात मागेर बोलको गीत आठौँ प्रस्तुती हो । उनको सातौँ प्रस्तुती ‘लुखुर लुखुर’ अघिल्लो महिना मात्रै बजारमा आएको थियो । सार्वजनिक गीत निर्देशक थापाकै अफिसियल च्यानल ह्याङ इन्टटेन्मेन्ट युट्युव च्यानल मार्फत बजारमा आएको हो । हेर्नुहोस् यो रमाइलो भिडियो
