एजेन्सी -बलिउडका सर्वाधिक चर्चित जोडी नायक सिद्धार्थ मल्होत्रा र नायिका कियारा आडवाणी आज बैबाहिक बन्धनमा बाँधिदैछन् । उनीहरुको बिहेमा थुप्रै सेलिब्रटीहरुको उपस्थिती रहेको छ । उनीहरुले आज जैसलमेरको सूर्य गढ प्यालेसमा धुमधामका साथ बिहे गर्दैछन् ।
बैबाहिक समारोहमा सहभागी हुन सिद्धार्थ र कियाराको परिवार २ दिन अगाडि नै भव्य होटलमा पुगेका थिए । बिहेपछि यो जोडी मुम्बईको एक भव्य घरमा सर्ने तयारीमा रहेको भारतिय मिडियाले जनाएका छन् ।
समुन्द्र स्पष्ट रुपमा देखिने घरको मूल्य ७० करोड रहेको बताइएको छ । यो घरको एन्टेरियर डिजाइन साहरूख खानकी पत्नी गौरी खानले गरेकी हुन् । यसो त बलिउडका सबै जसो स्टारको घरको एन्टेरियर डिजाइन गौरी खानले नै गर्दै आइरहेकी छन् । यो जोडीले बिहेको पहिलो निम्तो नायक साहरूख खान र उनकी पत्नी गौरी खानलाई पठाएका थिए ।
बिहेमा कियाराकी मिल्ने साथी इशा अम्बानी पनि सजिएर गएकी थिइन् । बिहेमा पाहुनाका लागी ८० वटा कार बुक गरिएको छ भने होटलमा ९४ वटा कोठा बुक गरिएको बताइएको छ । सिद्धार्थ र कियारा बलिउडमा सर्वाधिक व्यस्त कलाकार हुन् । फिल्मदेखि विज्ञापनमा यी दुईको माग उच्च छ । लामो समय देखी प्रेममा रहेको यो जोडी ले अहिले आएर बिहे गरेको हो ।
