मुम्बई । बलिउड अभिनेत्री दीपिका पादुकोणले चलचित्र ‘पठान’ को सुटिङ थालेकी छन् । उनी मुम्बईमा सुटिङ सेडुलका लागि अभिनेता शाहरुख खानझै फिल्म युनिटसँग जोडिएकी हुन् । भारतीय समाचार माध्यमका अनुसार उनले १५–२० दिन नियमित ‘पठान’ को सुटिङमा व्यस्त रहनेछन् ।
शुक्रबारबाट यशराज स्टुडियोमा चलचित्रको दोस्रो चरणको छायांकन सुरु गरिएको थियो । यसअघि पनि कोरोनाको कारण चलचित्रको छायांकन बीचमै रोक्नु परेको थियो ।सौर्य दैनिकमा खबर छ । चलचित्र ‘पठान’ मा शाहरुख अहिलेसम्मकै फरक भूमिकामा देखिन लागेको निर्माण पक्षले जनाएको छ । चलचित्रमा अभिनेता शाहरुख र अभिनेत्री दीपिकाका साथमा अभिनेता जोन अब्राहम र अभिनेत्री डिम्पल कपाडिया लगायतका कलाकारको भूमिकासमेत महत्वपूर्ण रहनेछन् । त्यस्तै, अभिनेता सलमान खानको पनि स्पेसल केमियो रहने जनाएको छ । चलचित्रको निर्देशन सिद्धार्थ आनन्दले गर्दैछन् ।
