नेपाली सेलीब्रेटीहरुको आर्थिक अवस्था बिस्तारै उक्लदै गरेको पुष्टि हुन थालेको छ । बलिउड र हलिउडका सेलीब्रेटीहरुले महंगा घर, गाडि किनेको त सबैले सुन्दै नै आईरहेका छन् । तर देशको अवस्था, मनोरञ्जन क्षेत्रको ब्यापकता अनुसार नेपाली सेलीब्रेटीहरु पनि कम देखिएका छैनन् ।
अनमोल केसी, प्रदिप खड्का जस्ता युवा पुस्ता माझ लोकप्रिय नायकले त राम्रै कमाउने गरेका छन् । तर यतिबेला गायक प्रकाश सपुतको चर्चा सर्वत्र चुलिएको छ । उनले आफ्नै मेहनत र लगावले आधा करोड बराबरको कार किनेका छन् । प्रकाशले ५० लाखमा हुन्डाईको क्रेटा कार खरिद गरेका हुन् । प्रकाशले मंगलबार कारको फोटो फेसबुकमा शेयर गरेका छन् ।
फेसबुकमा लगाईएको फोटोमा उनी अघि र पछाडि सेतो रंगको कार रहेको छ । उनले फोटोको साथमा मार्मिक स्टाटस समेत पोष्ट गरेका छन् । उनले लेखेका छन् – सपना, संघर्ष, सिर्जना, सफलता मेरो। साथ, सहयोग, शुभेच्छा तपाईंहरुको,’ स्टाटसमा लेखेका छन्, सपना देख्नेहरुलाई हौसला हुनसक्छ। कलाकार मात्र भएर पनि कार चढ्न सकिन्छ है।’ उनले आफ्नै मेहनतको कमाईले कार खरीद गर्न सकिन्छ है भन्ने सन्देश दिन खोजेका छन् ।
उनले कलाकार मात्रै भएर पनि कार चढ्न सकिन्छ है भनेर नेपाली कलाकारलाई हौसला त दिएका छन् तर कलाकारको आर्थिक अवस्था कस्तो रहेछ भन्ने कुरालाई पनि घुमाउरो शैलीमा प्रस्तुत गर्न खोजेका छन् । उनले आफ्नो पहिला देखीको सपना पुरा भएको समेत जनाएका छन् । प्रकाश सपुत अहिले युवा, बुढापाका सबै उमेर सुमह माझ लोकप्रिय रहेका छन् । उनको ‘बोल माया’, ‘गलबन्दी’, ‘बदला बरिलै’, ‘दोहोरी ब्याटल’, ‘मेरो पनि होइन र यो देश लगायत गीत लोकप्रिय छन्। यी गितहरु जनजनको मुखमा झुण्डिन सफल भएका छन् ।
