भारतमा बिशेष गरेर चलचित्र क्षेत्र ब्यापक रहेको छ । त्यहाँ भाषाका आधारमा चलचित्रहरु निर्माण हुने गरेका छन् । संसारमा सबैभन्दा बढि फिल्म निर्माण हुने देश पनि भारत नै हो । भारतका कलाकार लाई एकदमै फाईदाको कुरा के छ भने उनीहरु भाषागत फिल्ममा पनि आफ्नो अभिनय कौशलता देखाउन पाउँछन् ।
यस्तै बलिउड अभिनेत्री मध्ये एक हुन् तापसी पन्नु उनले तेलुगु, तमिल, मलयालम र हिन्दी चलचित्रमा समेत आफ्नो अभिनय कौशलता प्रस्तुत गरिसकेकी छिन् । बलिउडमै रमिरहेकी अभिनेत्री तापसी पन्नु तेलुगु फिल्ममा फेरि पनि देखिने भएकी छन् । केही समयको अन्तरालपछि उनी फेरि तेलुगु फिल्ममा कमब्याक गर्न लागेकी हुन् ।
हुन त उनले फिल्ममा डेब्यु तेलुगु फिल्म ‘झुम्मन्डी नादम’ बाटै गरेकी थिइन् । उनै नायिका तापसी पन्नुले ‘मिसन इम्पोसिबल’ फिल्म साइन गरेकी छन् । निर्माण युनिटले फिल्मको एक पोष्टर सार्वजनिक गर्दै टाइटलको घोषणा समेत गरेका छन् ।
तापसी पछिल्लो समय २०१८ मा तेलूगु फिल्म ‘नीवेरो’ मा देखिएकी थिइन् । उनी चलचित्र भन्दा पहिला सफटवेयर पेशेवरको रूपमा काम गर्ने गर्थिन्। मोडलिंग करियरको समयमा उनीले विज्ञापनमा पनि काम गरिसकेकी छिन् ।
