काठमाडौं – मिडफिल्डर विशाल राई अष्ट्रेलिया प्रस्थान गरेका छन् । फुटबल क्लबबाट ए डिभिजन लिग खेल्दै आएका उनी अचानक अष्ट्रेलिया हानिएका हुन् । राष्ट्रिय टिमका सदस्य समेत रहेका विशाललाई शुक्रबार मछिन्द्र क्लबका म्यानेजर अनिल श्रेष्ठ लगायत खेलाडीहरुले उज्ज्वल भविष्यको शुभकामनासहित त्रिभुवन अन्तर्राष्ट्रिय विमानस्थलबाट विदाई गरेका छन् ।
नेपाली फुटबल खेलाडी विदेश पलायन हुने क्रम भइरहेका बेला विशाल राई अष्ट्रेलिया प्रस्थान गरेका हुन् । । म्यानेजर श्रेष्ठले विदाईको फोटो सामाजिक सञ्जालमा सार्वजनिक गरे पछि उनी अष्ट्रेलिया गएको कुरा बाहिर आएको हो ।
पछिल्लो समय नेपाली राष्ट्रिय टिममा खेलिसकेका र खेलिरहेकादेखि भविष्यमा खेल्न सक्ने युवा खेलाडीहरु विदशे जान थालेपछि नेपाल िखेल क्षेत्रका प्रेमी हरु निराश बनेका छन् ।
खेलमा भविष्य नदेखपछि खेलाडीहरु धमाधम विदेश गइरहेका छन् । केही समयअघि मात्रै चर्च ब्वाइजमा अनुबन्ध भएका तेज तामाङ र दिनेश राजवंशी, संकटामा अनुबन्ध भएका गौतम श्रेष्ठ, खुमलटारमा अनुबन्ध भएका नितिन थापा मगर अष्ट्रेलिया गएका थिए ।
तस्विर – अनिल क्षेष्ठ
