काठमाडौं । फिल्म हिजोआजका कुरा, जयश्री दाम, कारखाना, पर्व र जन्मभूमिजस्ता फिल्मकी नायिका जेविका कार्कीले प्रेमीसँग इन्गेजमेन्ट गरेकी छिन् ।
पारिवारिक स्रोतका अनुसार उनले प्रेमी तथा फिल्मका निर्माण नियन्त्रक मनोज जोशीसँग इन्गेजमेन्ट गरेकी हुन् । उनले ४ वर्षदेखिको प्रेम सम्बन्ध विवाहमा परिणत गर्न लागेका हुन् ।
नायिका कार्कीले बुधबार पेप्सीकोलास्थित आफ्नै घरमा आफन्त र नजिकका साथीभाइको उपस्थितिमा इन्गेजमेन्ट गरेको बताइएको छ ।
यो जोडीको विबाह आगामी फागुन ४ गते र ७ गते रिसेप्सन पार्टीको आयोजना गरिएको छ । नायिका कार्की म्युजिक भिडियोमा पनि ब्यस्त मोडलका रुपमा परिचित छिन् । उनले पछिल्लो समय सुनिल गिरीको मसला बोलको गीतमा अभिनय गरेको भिडियोले राम्रो चर्चा कमाएको थियो ।
