काठमाडौं – फिल्म ‘ह्यारी कि प्यारी’मा डा.भोला रिजालले अभिनय गरेका छन् । उनले छोरा कपिल रिजालले फिल्ममा उनको डाक्टरकै भूमिकामा करिब एक-डेढ मिनेटको दृश्य छ । फिल्ममा उनीसँगै उनकी पत्नीको सरला घिमिरेको पनि भुमिका रहेको छ ।
उनले अभिनेत्री साम्राज्ञी राज्यलक्ष्मी शाहकी हजुरआमाको भूमिका निर्वाह गरेकी छन् । उनको डबिङ भने अभिनेत्री गौरी मल्लले गरेकी छन् । सम्भवतः पहिलो पटक भोला रिजाल दाम्पतीले फिल्ममा अभिनय गरेका हुन् ।
एक समय ‘छोरी बुहारी’, ‘एक नम्बरको पाखे’, ‘साथी’ जस्ता सफल फिल्मको निर्माण गरेका उनले लामो समयपछि ‘ह्यारी कि प्यारी’बाट पुनरागमन गरेका हुन् । मंगलबार साँझ फिल्म ‘ह्यारी कि प्यारी’को काठमाडौंस्थित बिग मुभिजमा प्रिमियर राखिएको थियो ।
