काठमाडौँ । सुपरहिट फिल्म ‘पशुपति प्रसाद’ को ७ वर्षपछि सिक्वेल घोषणा भएको छ ।सिक्वेल घोषणा कार्यक्रममा नायिका वर्षा सिवाकोटी पनि पुगेकी थिइन् । आफ्नो हिट फिल्मको सिक्वेलमा आफू नहुँदा कार्यक्रममा उनी केही खिन्न देखिन्थिन् ।
फिल्ममा सिक्वेलमा भने अभिनेत्री स्वस्तिमा खड्काले अभिनय गर्ने भएकी छन् ।सिक्वेलमा नहुँदा कस्तो लागिरहेको छ ? भन्ने पत्रकारको प्रश्नमा केही खिन्न लागेको उनले बताइन ‘तर आफ्नो जोडी भीष्मे डन नभएर पशुपति प्रसाद भएको हुँदा आफू नहुनु स्वाभाविक रहेको समेत उनले बताइन् । ‘पशुपति प्रसाद–२ स् भीष्मे डन’ दीपेन्द्र के खनालले निर्देशन गर्न लागेका हुन् ।
फिल्मका लेखक तथा निर्माता खगेन्द्र लामिछाने रहेका छन् । फिल्ममा विपिन कार्की, सौगात मल्ल, स्वस्तिमा खड्का, प्रकाश घिमिरे, रवीन्द्र सिंह बानियाँ, मिस्श्री थापा, सजन थापा मगर, विभू पौडेल, प्रकाश दाहाल लगायतको अभिनय रहनेछ । वर्षा लामो समयपछि कार्यक्रम मार्फत मिडियामा देखिएकी हुन् ।
