काठमाडौं । भारतका ओपनर मुरली विजयले अन्तराष्ट्रिय क्रिकेटबाट सन्यास लिएका छन् । उनले सामाजिक संजाल फेसबुकमा स्टाटस लेख्दै अन्तराष्ट्रिय क्रिकेटको सबैखाले फर्म्याटबाट सन्यास लिएको घोषणा गरेका हुन् ।
भारतका लागि सबैखाले फर्म्याटमा ८७ अन्तराष्ट्रिय खेल खेलेका उनले अन्तराष्ट्रिय क्रिकेटबाट सन्यास लिएका हुन् । निकै भरपर्दा ओपनर ३८ वर्षीय विजयको ६१ टेस्ट,१७ एकदिवसीय र ९ टी-ट्वान्टी अन्तराष्ट्रिय रहेको छ ।
विजयले भारतका लागि अन्तिम पटक २०१८ मा अष्ट्रेलियाविरुद्ध खेलेका थिए ।
