काठमाडौं – फिल्म ‘मनसँग मन’को ट्रेलर सार्वजनिक भएको छ । फिल्ममा पुष्प खड्का, वर्षा सिवाकोटी, बुद्धि तामाङ लगायतका कलाकारको मुख्य भुमिका रहेको छ ।
प्रेमकथामा आधारित फिल्मको ट्रेलरमा पुष्प र वर्षाबीचको प्रेम र त्यसबीचमा आउने खलपात्रसँगको संघर्षलाई चित्रण गरिएको छ । कैलाश राई निर्देशित फिल्मको एक गीतमा पल शाह र पूजा शर्माले नृत्य गरेका छन् ।
वर्षा र पुष्पका चरित्रको केमेस्ट्री आकर्षक देखिएको छ । पुष्प एक्सन दृश्यमा पनि प्रस्तुत भएका छन् ।फिल्मका निर्माता अरुण तामाङ हुन् । सौरभ इन्टरटेनमेन्ट एण्ड बलाली इन्टरटेनमेन्टको ब्यानरमा निर्माण भएको फिल्म आगामी माघ २७ गते प्रदर्शनको तयारीमा रहेको छ ।
