काठमाडौं – फिल्म ‘पशुपति प्रशाद २’ को औपचारिक घोषणा गरीएको छ । आज एक कार्यक्रम गरी ‘पशुपति प्रसाद २ भस्मे डन’ नाम दिदै फिल्मको औपचारीक घोषणा गरिएको हो । फिल्मको शिर्ष भूमिकामा अभिनेता विपिन कार्की रहनेछन । उनि ‘पशुपति प्रसाद’को लोकप्रिय पात्र ‘भष्मे डन’ हुन् ।
अभिनेता खगेन्द्र लामिछानेको लेखन र निर्माण रहने फिल्मको छायांकन आगामी फागुन मध्यदेखि सुरु हुने बताइएको छ । निर्देशक दीपेन्द्र के खनालले निर्देशन रहने फिल्ममा विपिनसंगै सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगर, विभू पौडेल, प्रकाश दाहाललगायतका कलाकारको अभिनय रहनेछ ।
फिल्ममा निरज कँडेलको डिओपी, कृष्ण थापाको छायांकन, शंकर पाण्डेको प्रोडक्सन डिजाइन, रोहितराज गौतमको मुख्य सहायक निर्देशन, संजोग रसाइलीको सहायक निर्देशन र दिर्घ खड्काको सम्पादन रहनेछ । फिल्म २०८० सालको दशैँ अवसर पारेर फूलपातीमा रिलिज हुने बताइएको छ ।
