काठमाडौं । ब्वायफ्रेण्डको परिवारले मिठो खाना नखुवाएको भन्दै प्रेमीकाले सम्बन्धमा पूर्णविराम लगाएकी छिन् । खबर हो चीनको दक्षिण(पश्चिमी प्रान्त सिचुआनको सुकान सिक्सुनको ।
पहिलो पटक आफ्नो प्रेमीका अभिभावकलाई भेट्न साढे दुई घण्टाको यात्रा गरेर गएको र आँफुले भनेजस्तो खानाका परिकारहरु केटाको परिवारले तयार नगरेको भन्दै ति प्रेमीका रुष्ट बन्दै सम्बन्ध तोडेको साउथ चाइना मर्निङ पोस्टले उल्लेख गरेको छ ।
प्रेमी भेट्न घण्टौँ लामो यात्रा गरेकी प्रेमीकाले सार्वजनिक गरेको भिडियोमा चाउचाउ, फ्राइड अण्डा, दउल, स्टिर फ्राइड डिश र विभिन्न चिसो परिकार खुवाएको देख्न सकिन्छ । यति धेरै परिकार भए पनि केटी निराश भइन् ।
वास्तवमा, केटीले पहिलो भेटमा अझ स्वादिष्ट खाना खाने अपेक्षा गरेकी ति युवतीले भनेजस्तो खानाको परिकार नपाएको भन्दै चालेको कदमले अहिले सबै चकित परेका छन् । मलाई चाउचाउ मन पर्दैन भन्ने मेरो प्रेमीलाई राम्रोसँग थाहा हुँदै उसले चाउचाउ नै तयार पारेकाले आँफुले यस्तो कदम चालेको युवतीले एक अन्तरवार्तामा उल्लेख गरेकी छिन् । जुन भिडियो अहिले करिब १ करोड जनाले हेरेका छन् ।
योसँगै भिडियोमा ५ हजारभन्दा बढीले कमेन्ट गरेका छन् । तर, त्यहाँ धेरै प्रयोगकर्ताहरू ति युवतीविरुद्ध खनिँदै खन्चुवाको संकेत गरेका छन् ।
