काठमाडौं -अनमोल केसी फिल्म ‘एक्स नाइन’बाट बाहिरिए पछि र्माताले अभिनेता प्रदीप खड्कालाई प्रस्ताव गरेका छन् । समयमै फिल्म छायांकन सुरु नभएको भन्दै अनमोलले फिल्म छाडेपछि भोलिपल्टै निर्माताले प्रदीपलाई उक्त रोलमा प्रस्ताव गरेको र अहिले यसका लागि उनले सर्त राखेको बताइएको छ ।
यसअघि घोषणा भएअनुसार बलिउड अभिनेता सुनिल सेट्टी पनि फिल्ममा हुनुपर्ने । यदि सुनिल पनि फिल्ममा भए प्रदीपले फिल्म ‘एक्स नाइन’ मा काम गर्न राजी भएको बताइएको छ ।
फिल्मलाई मुकुन्द भट्टले निर्देशन गर्ने तयारी गरेको बताइएको छ । फिल्म गोल्डेन हिल्स पिक्चरको ब्यानरमा बन्ने छ । एक्स नाइन’बाट बाहिरिएका अनमोलले पेश्की रकम पनि निर्मातालाई फिर्ता गरेको बताएका थिए ।
