डाक्टर कपिल रिजालको कथा तथा निर्देशनमा तयार भएको फिल्म ‘ह्यारी कि प्यारी’ को पत्रकार सम्मेलनमा मुख्य कलाकारद्वय जीतु नेपाल र साम्राज्ञी आरएल शाह । फिल्ममा दुई जोडीले सम्बन्ध गाँसेपछि निम्तिने आरोहअवरोहलाई चित्रण गरिएको छ ।
यो पनि : प्रभासको बहुप्रतिक्षित चलचित्र ‘आदिपुरुष १६ जुनमा प्रदर्शनमा आउने:मुम्बई । दक्षिण भारतीय चर्चित अभिनेता प्रभासको बहुप्रतिक्षित चलचित्र ‘आदिपुरुष’ १६ जुनमा प्रदर्शनमा आउने भएको छ । चलचित्रका निर्देशक ओम राउतले सामाजिक सञ्जाल इन्स्टाग्राममार्फत प्रदर्शन मिति सार्वजनिक गरेका छन् ।
निर्देशक राउतले प्रदर्शन मितिसँगै चलचित्रको नयाँ पोस्टरसमेत सार्वजनिक गरेका छन् । उनले चलचित्र प्रदर्शनका लागि १ सय ५० दिन बाँकी रहेको जनाएका छन् । यस चलचित्रमा अभिनेता प्रभाससँगै अभिनेत्री कृति सेनन, अभिनेता सैफ अली खान र सन्नी सिंह लगायतका कलाकारको समेत शीर्ष भूमिका रहेको छ ।
चलचित्र ‘आदिपुरुष’ को भिएफएक्सदेखि लिएर प्रभास, सन्नी सिंह, कृति सेनन र सैफ अलीको लुकलाई मानिसले सामाजिक सञ्जालमा निकै ट्रोल गरिरहेका छन् । अभिनेता सैफको दाह्रीको ट्रोल बने पनि यही अवस्थालाई सुधार गर्न चलचित्रको प्रदर्शन मिति थपिएको भारतीय सञ्चार माध्यमले जनाएका छन् । यो चलचित्रलाई बलिउडको अहिलेसम्मकै महँगो चलचित्रका रुपमा चित्रण गरिएको छ । चलचित्रमा झण्डै ५ सय करोड लगानी गरेको निर्माण पक्षले जनाएको छ ।
