काठमाडौं । काठमाडौं महानगरपालिकाका मेयर बालेन शाहले पछिल्ला दिनमा अमर्यादित बयान दिन थालेका छन् । चुनाव अघि निकै मर्यादिन भएर काम गर्ने भन्दै ञनागरिकको घरदौलोमा भोट माग्दै हिँडेका बालेनको रुप फेरिएको पछिल्ला घटनाक्रमले देखिएको छ ।
मेयर शाहले आफूलाई प्रश्न गर्ने जोकोहीलाई गैरजेम्मेवारीपूर्ण जवाफ दिँदै आएका छन् । महानगरपालिकाभित्र व्यवस्थापनविनै जथाभाबी डोजर चलाएको विषयमा निर्देशक तथा ‘कमेडी क्लब विथ च्याम्पियन’का निर्माता विशाल भण्डारीले भत्काउनबाहेक बनाएको देखिएन भन्ने प्रश्न सोधे लगत्तै मेयर साहले गैरजेम्मेवारीपूर्ण जवाफ दिँदै ‘तिम्रो शो पैसाको भोटले जितिन्छ । तिमी पैसा कमाउन आएको हौ । तिम्रो अस्तित्व पैसाबाहेक केही छैन । तिमी जस्तो बिकाउ मान्छेलाई जवाफ दिन जरुरी छैन ।’
मेयर शाहले निर्देशक भण्डारीलाई भाई समबेधन गर्दै लेखेको पोस्ट अहिले भाइरल बनिरहेको छ । सार्वजनिक रुपमा प्रश्न गरेका भण्डारीलाई मेयर बालेनले व्यक्तिगत लाञ्छना र उनको व्यवसायमाथि उल्टो प्रश्न गर्दै कमेन्टमा लेखेपछि मेयर शाहबाट उत्तर नआएपछि निर्देशक भण्डारीले अर्को स्टाटस लेखेर आफ्नो प्रश्न दोहोर्याएका छन् – मैले प्रश्न सोधेको हो । भत्काउनुबाहेक के बनाउनुभयो ?
पहिलो प्रश्नको उत्तर नपाएपछि दोस्रो स्टाटसमा भण्डारीले मेयर बालेनलाई श्री ८ को संज्ञा दिएसँगै मेयर साहले थप आक्रामक हुँदै निर्देशक भण्डारीलाई भाइ सम्बोधन गर्दै मेयर साहले मदिरा पिएर लेखेको आरोपमात्रै लगाएका छैनन् ।मेयर शाहले उल्टै प्रश्न गरेर दुस्ख दिएको आरोप लगाएका छन् । उनले भनेका छन् ‘प्रश्न सोध्न पाइन्छ भाइ । काम गरिराखेको मान्छेलाई दारु खाएर रातिराति दुस्ख दिन पाइँदैन । तिम्रो गाउँको मेयरले के गर्दैछ थाहा छ ?
