काठमाडौं -‘कबड्डी’ फेम्ड निर्देशक रामबाबु गुरुङले नँया फिल्म बनाउने भएका छन् । गुरुङले शुक्रबार र्चित नाटक ‘डिग्री माइला’मा आधारित रहेर गुरुङले फिल्म बनाउने घोषणा गरेका हुन् ।
फिल्मको मुख्य भूमिकामा दयाहाङसहित पुष्कर गुरुङ, माओत्से गुरुङ, विजय बराल, बुद्धि तामाङ र प्रकाश घिमिरे लगायतका कलाकारको अभिनय रहने छ । फिल्मकी नायिको भने चाँडै फाइनल हुने बताइएको छ ।
रामबाबुकै पटकथा लेखन रहेको फिल्मको पहिलो ड्राफ्ट यसअघि नै तयार भइसकेको थियो । । ‘कबड्डी’ निर्माण कम्पनी बाँसुरी फिल्म्सकै ब्यानरमा बन्ने फिल्मको छायांकन वैशाखदेखि सुरु गर्ने तयारी छ । फिल्म छायांकनको लागि लोकेसन लगायतका पक्ष तय हुँदैछन् ।
कमेडी ड्रामा जनरामा बन्ने फिल्म आगामी दशैंमा रिलिज गर्ने योजना रहेको छ । डिग्री माइला’ नाटक दर्शकको मागको आधारमा मण्डलाले तीनपटक मञ्चन गरेको थियो ।
