काठमाडौं–मोडल तथा कलाकार निशा घिमिरेको स्वास्थ्यमा समस्या देखिएको छ ।सोमबार निशाको मुखबाट रगत बगेको बताइएको छ । मंगलबार भने रगत बग्न केही कम भएको उनका पिता प्रेम घिमिरेले बताए ।
त्योबाहेक उसको स्वास्थ्यमा कुनै समस्या नदेखिएको र डाक्टरहरुको निगरानीमा राम्रो उपचार भइरहेको बताइएको छ । अस्पतालका डा। पंकज जलानको नेतृत्वको टिमले निशालाई ह्विलचेयर थेरापी, म्युजिक थेरापीलगायतका विभिन्न विधिबाट उपचार गरिरहेको छ ।
निशालाई अहिले पाइपबाट खाना खुवाइरहेको बताइएको छ । प्रेमका अनुसार निशा समय–समयमा बोल्न पनि खोज्छिन् । निशा तीन वर्ष अघि भारतको देहरादुनमा सडक दुर्घटनामा परेकी थिइन् ।
त्यहाँ प्रारम्भिक उपचार पछि उनलाई काठमाडौंको ट्रमा सेन्टर ल्याइएको थियो ।शाले झण्डै तीन दर्जन हाराहारीमा भिडियोमा अभिनय गरेकी छन् । उनले फिल्म ‘मधेशीपूत्र २’ र टेलिफिल्म ‘डियर जिन्दगी’मा अभिनय गरेकी छन् ।
