काठमाडौं -गायक स्वप्न सुमन अब फिल्ममा खेल्ने भएका छन् । उनले निर्देशक दिने राउतको आगामी फिल्ममा नायकको रुपमा देखा पर्ने भएका छन् ।फिल्मको छायांकन वैशाखदेखि सुरु हुने बताइएको छ । निर्देशक राउतले गायक सुमनलाई प्रमुख चरित्रमा अनुबन्धित गरिएको बताइएको छ ।
फिल्म प्रेमकथा र सामाजिक कथामा बन्ने छ । फिलममा काम गर्नका लागी उनले अभिनय सिक्न सुरु गरेको बताइएको छ । उनलाई अडिसनबाट छनोट गरिएको पटकथा लेखक विकास सुवेदीले बताए । फिल्ममा अन्य कलाकार भने फाइन भइनसकेको बताइएको छ । फिल्मले शहरको कथलाई देखाएको बताइएको छ ।
मोडल तथा अभिनेत्री ज्योत्सना योगीसँग गत वर्ष विवाह गरेका उनले संगीत र अभिनयलाई सँगै अघि बढाउन खोजेका छन् ।स्वप्न सुमन पछिल्लो समय युवामाझ रुचाइएका गायक हुन् ।
