काठमाडौं २२ असार । धारिलो हतियार चक्कु प्रहार गरी हत्या गरेको अभियोगमा प्ररहीले दुई जनालाई पक्राउ गरेको छ । पक्राउ पर्नेमा चन्द्रागिरी नगरपालिका ३ थानकोट बस्ने ३६ वर्षीय सोमलाल गोपाली र मकवानपुर दामन घर भएका २५ वर्षीय मनोज दोङ तामाङ रहेका छन् ।
निजहरुमाथि चन्द्रागिरी नगरपालिका ३ थानकोट बस्ने महोत्तरी जलेश्वर नगरपालिका २ घर भएका २० वर्षीय जितेन्द्र साहको हत्या गरेको अभियोग लागेको छ । आइतबार राति चन्द्रागिरी नगरपालिका ३ थानकोटमा धारिलो हयिार हतियार प्रयोग गरी गम्भीर घाइते भएका साहको हिजो उपचारको क्रममा राष्ट्रिय ट्रमा सेन्टरमा ज्यान गएको प्रहरीले जनाएको छ ।
तिन जनाको समुहले हत्या गरेपनि एक जना अझै फरार भएकाले उनको खोजी कार्य जारी भएको महानगरीय प्रहरी वृत्त थानकोटले जनाएको छ । पक्राउ परेका निज उपर कर्तव्य ज्यान सम्बन्धि कसूरमा थप अनुसन्धान भइरहेको प्रहरीले जनाएको छ ।
