काठमाडौँ । व्यक्तिगत जीवनबाहेक व्यावसायिक जीवनका कारण पनि चर्चामा आइरहने बलिउड सुन्दरी नायिका हुन् सारा अली खान । सामाजिक संजालमा समेत ब्यापक सक्रिय रहने यि सुन्दरी आफ्नो डेब्यू फिल्म ‘केदारनाथ’को रिलिजको समयमा ब्यापक चर्चा आएकी थिइन् । सहायक निर्देशक जेहान हाण्डाका साथ रोमान्टिक तस्वीर भाइरल भएपछि उनीहरु प्रेममा रहेको समेत चर्चा चल्यो ।
बाबु सैफअली खानको पावर बिना नै आफ्नो कला देखाएर चर्चा कमाउन सफल यि सुन्दरीको हातमा ‘अन्तरंगी रे’, ‘द इमोर्टल अश्वत्थामा’ जस्ता ठूला फिल्म भएका बेला उनले फेरी अर्को नयाँ फिल्म पाएकी छिन् । भारतीय मिडियाका अनुसार साराको नयाँ फिल्मको नाम ‘नखरेवाली’ रहेको छ र फिल्मको निर्माण आनन्द एल रायले गर्दैछन् ।
‘नखरेवाली’ को टिमले सारालाई निरन्तर सम्र्पक गरेको र साराले उक्त चलचित्रका लागि काम गर्न इच्छा देखाएको बुझिएको छ । चलचित्रको निर्देशन आनन्दले गर्नेछन् । फिल्ममा सारा शीर्ष भूमिकामा देखिँदैछिन् । आनन्द र साराले केही समयअघि मात्र फिल्म ‘अन्तरंगी रे’को सुटिङ पुरा गरेका थिए ।
