बलिउडका किंग शाहरुख खानको फिल्म पठानलाई लिएर धेरै दर्शकको प्रतिक्षा रहेको छ । उनले लामो समय पछि चलचित्र पठान खेल्न लागेका हुन् । यस चलचित्रमा शाहरुख खान संगै चर्चित बलिउडका अन्य स्टारहरु समेत रहेका छन् । शाहरुख खान संगै सलमान खान, दीपिका पादुकोण ,जोन अब्राहम, डिम्पल कपडिया लगायतका स्टारहरु चलचित्रमा देखीने छन् ।
तर सलमान खानको भने आगन्तुक कलाकारको रुपमा फिल्ममा केही समयका लागि मात्र देखिनेछन् । बहुप्रतिक्षित यस फिल्मलाई सिद्धार्थ आनन्दले निर्देशन गरिरहेका छन् । पठानको शुटिंग बिदेशमा भईरहेको छ । पठानको शुटिंगमा दीपिका पादुकोण पनि पुगेकी छिन् । उनले शाहरुख संग आधिकारीक रुपमा शुटिंग सुरु गरिसकेको भारतीय संचारमाध्यमहरुले जनाएका छन् । शाहरुखको यो फिल्म लाई उनका फ्यानहरुले कुरेर बसिरहेका छन् ।
