काठमाडौं- नायिका केकी अधिकारी र आँचल शर्मा एक साथ भिड्ने भएका छन् । एक साथ हिट फिल्म दिएका आँचल र केकी नयाँ बर्षमा भिड्न भएपछि प्रतिस्पर्धा रोचक हुने भएको हो ।
ज्ञानेन्द्र देउजाको ‘झिंगे दाउ’ जस्तो सफल फिल्ममा एक साथ नाम गरेका यी दुई आउँदो बर्षको पहिलो दिनमै बक्स अफिसमा एक अर्कासँग भिडन्त गर्ने दौडमा छन् । नयाँ बर्षमा नायिका केकी अधिकारी र नायक विपिन कार्की अभिनित फिल्म ‘प्रसाद २’ आउने निश्चित भैसकेको छ ।
आँचलको भने विकासराज आचार्यको हिट सिरिज ‘नाई नभन्नु ल’को छैटौं सिरिज पनि सोही मितीमा आउने भएको छ । ‘प्रसाद २’ लाई सुदर्शन थापाले निर्देशन गरेका हुन् । सुदर्शन बस्नेत निर्माता रहेको फिल्मको कार्यकारी निर्माता सुवास थापा हुन् ।
