काठमाडौं, १ माघ । पोखरामा भएको यति एयरलाइन्सको जहाज दुर्घटनामा ७२ जना यात्रु र चालकदलका सदस्यहरु परेका छन् । जसमध्ये ३ जनाको जिवितै उद्धार गरिएको बताइएको छ ।
दुर्घटनामा पर्नेमा लोक गायिकासमेत निरा छन्त्याल पनि रहेकी छिन् । उनी पोखरामा आयोजित कार्यक्रममा सहभागी हुन पोखरा गएकी थिइन् ।
बाग्लुगंकी छन्त्याल पोखरा जानका लागि विमानस्थलबाट यति एयरको विमानबाट उेडकी थिइन् । उनले फेफेुबुकमा तस्विर सार्वजनिक गर्दे स्टाटसल लेखेकी थिइन् ।
उनले शनिबार छन्त्याल भवन काठमाडौंमा गरेको रमाइलो पछि आज ९आइतबार०का लागि पोखरामा रमाइलो गर्नुपर्छ भन्दै फेसबुकमा तस्बिर सार्वजनिक गरेकी थिइन् ।
विमानस्थलमा अवतरण गर्नुभन्दा केही सेकेण्ड अगाडि विमान पोखराको घारेपाटनस्थित सेती नदीको खोचमा दुर्घटनाग्रस्त भएको छ । उनको अवस्थाबारे अहिलेसमम जानकारी आएको छैन ।
उड्नु अघि आज बिहान फेसबुकमा फोटो शेयर गर्दै माघे सक्रान्तिको शुभकामना दिएकी थिइन् । उनले लेखेकी थिइन् ‘माघे सङ्क्रान्तिको पावन अवसरमा देश तथा विदेशमा रहनुहुने सम्पूर्ण आमाबुवा, दाजुभाइ तथा दिदिबहिनीहरुमा हार्दिक शुभकामना व्यक्त गर्दछु ।’ अहिले उनी दुर्घटना परेको खबरसँगै उनका शुभचिन्क र फ्यानहरु दुखी भएका छन् ।
गायिका छन्त्यालको अवस्थाबारे कुनै आधिकारिक जानकारी नआए पनि यात्रुहरूको सूचीमा उनको नाम समावेश रहेको छ ।उनी माघे सङ्क्रान्तिका अवसरमा पोखरामा आयोजना हुने कार्यक्रमका लागि प्रस्थान गरेकी थिइन् ।
