काठमाडौँ । ब्राजिल कोपा अमेरिका फुटबलको फाईनलमा प्रवेश गरेको छ । मंगलबार बिहान भएको खेलमा पेरुलाई हराउँदै आयोजक ब्राजिल कोपा अमेरिका फुटबलको फाईनलमा प्रवेश गरेको हो ।
ब्राजिलले पेरुलाई १–० ले हराउँदै आफ्नो स्थान फाइनलका लागि सुरक्षीत गरेको हो । सिपालु खेलाडीहरुले भरिएको ब्राजिलको टिमका लुकास पाक्वेताले खेलको ३५ औं मिनेटमा गरेको गोल नै ब्राजिलको जितका लागि निर्णायक बन्यो ।
क्वाटरफाईनलमा चिलीलाई हराउँदै ब्राजिल तथा पाराग्वेलाई हराउँदै पेरु सेमिफाईनलमा स्थान पक्का गर्दै अघि बढेको थियो । ब्राजिलले अब अर्जेन्टिना र कोलम्बियाबिच भोलि हुने दोस्रो सेमिर्फानल खेलको विजेतासँग अन्तिम प्रतिस्पर्धा गर्नेछ ।
