बलिउड अभिनेता शाहरुख खान आफ्नो फिल्म ‘पठान’ बाट बक्स अफिसमा शानदार कमब्याक गर्ने तयारीमा छन् । चलचित्रको ट्रेलरलाई दर्शकबाट सकारात्मक प्रतिक्रिया मिलिरहेको छ । अब फेरि एकपटक शाहरुखका फ्यानका लागि खुसीको खबर आएको छ । शाहरुख खान विश्वका धनी अभिनेताको सूचीमा टप ४ मा परेका छन् ।
यस मामिलामा, शाहरुखले हलिउडका धेरै दिग्गज सेलिब्रेटीहरूलाई पछाडि छोडेका छन्। शाहरुख खानलाई पहिले नै विश्वका धनी अभिनेताको सूचीमा गनिन्छ तर हालैको एक रिपोर्ट अनुसार शाहरुख खानलाई विश्वको चौथो धनी अभिनेता भनिएको छ । ट्विटमा देख्न सकिन्छ कि शाहरुख खानले टम क्रुज र ज्याकी च्यान जस्ता हलिउड कलाकारहरुलाई पनि हराए जसको लोकप्रियता निकै बलियो छ ।
यस लिस्टमा शाहरुखको नाम चौथो नम्बरमा, टम क्रुज पाँचौं र ज्याकी च्यान छैठौंमा छन् । जेरी सेनफिल्डको नाम विश्वका धनी कलाकारको सूचीमा पहिलो नम्बरमा छ । उनको कुल सम्पत्ति करिब १ अर्ब डलर अर्थात ८२०० करोड रुपैयाँ रहेको बताइएको छ । दोस्रो नम्बरमा टायलर पेरीको नाम छ र उनको कुल सम्पत्ति पनि १ अर्ब डलर अर्थात ८२०० करोड रुपैयाँ रहेको बताइएको छ ।
टायलर पेरी एक अमेरिकी फिल्म निर्माता, अभिनेता, निर्माता, र प्रसिद्ध हास्य कलाकार हुन्। ड्वेन जोन्सन तेस्रो नम्बरमा परेका छन् । उनको कुल सम्पत्ति ८० करोड डलर अर्थात ६५०० करोड रुपैयाँको नजिक छ। अमेरिकी अभिनेता ड्वेन जोनसन एक अभिनेता मात्र नभई अमेरिकाका एक प्रसिद्ध रेसलर पनि छन्। उनी विश्वमा द रक को नामले चर्चित छन् ।
बलिउड स्टार शाहरुख खान धनी कलाकारको सूचीमा चौथो नम्बरमा परेका छन् । वर्ल्ड अफ स्ट्याटिस्टिक्सका अनुसार ‘पठान’ अभिनेता शाहरुख खानको कुल सम्पत्ति ७७० मिलियन डलर अर्थात् ६३०० करोड रुपैयाँ छ। सन् २०१८ देखि अभिनयबाट टाढा रहेका शाहरुख अब ४ वर्षपछि ‘पठान’ मार्फत कमब्याक गर्दैछन् ।
यद्यपि गत वर्ष उनी केही फिल्ममा क्यामियोमा देखिए । ४ वर्षसम्म फिल्मबाट टाढा रहे पनि शाहरुखले एन्डोर्समेन्ट र अन्य प्रोजेक्टबाट धेरै कमाए । पाँचौं नम्बरमा टम क्रुज छन् । उनको कुल सम्पत्ति ६२० मिलियन डलर अर्थात् ५९० करोड रुपैयाँ छ । टम क्रुज मिशन इम्पोसिबल जस्ता फिल्मका लागि परिचित छन् । उनलाई हलिउडका सबैभन्दा धेरै कमाउने स्टारमा गनिन्छ । तर विश्वका धनी कलाकारको सूचीमा शाहरुखले टम क्रुजलाई पछि पारेका छन् ।
छैटौं नम्बरमा ज्याकी च्यान छन् । उनको कुल सम्पत्ति ५२० मिलियन डलर अर्थात ४२०० करोड रुपैयाँ रहेको बताइएको छ । आफ्ना फिल्महरूमा एक्रोब्याटिक्स र एक्सन गर्नका लागि प्रसिद्ध चिनियाँ स्टार ज्याकी च्यानको विश्वभर ठूलो फ्यान फलोइङ छ। ज्याकी च्यानले विश्वभर परोपकारका लागि धेरै कार्यक्रमहरू पनि चलाउँछन् र आफ्नो कमाइको अधिकांश हिस्सा उनीहरूलाई दान गर्छन्।
सातौं नम्बरमा अमेरिकी अभिनेता तथा फिल्म निर्माता जर्ज क्लुनीको नाम छ । उनको कुल सम्पत्ति ५० करोड डलर अर्थात ४१०० करोड रुपैयाँ अनुमान गरिएको छ । आठौं नम्बरमा अभिनेता रोबर्ट डि नीरोको नाम छ । उनको कुल सम्पत्ति ५० करोड डलर अर्थात ४१०० करोड रहेको पनि बताइएको छ ।
रोबर्ट डी निरोलाई अभिनयको गडफादर भनिन्छ। उनले ७ पटक ओस्कार अवार्डका लागि मनोनयन पाए, जसमध्ये २ पटक ओस्कर जिते । रोबर्ट डी निरोले फिल्म ुद गडफादर २ का लागि ओस्कार पाएका थिए।
