काठमाडौँ । कुनै समय मिडिया भनेपछि भागी हाल्ने नायिकामा पर्छिन् साम्राज्ञी राज्यलक्ष्मी । तर पछिल्ला दिनमा साम्राज्ञीको मिडियाको बारेमा बुझाई फेरिएको छ ।
आइतबार आयोजित फिल्म ‘ह्यारी कि प्यारी’को ट्रेलर रिलिज कार्यक्रममा मिडियासँग खुलेरै गफिएकी साम्राज्ञीलाई मिडियाप्रति भरोसा बढेको बताइन् ।
फिल्म ‘ह्यारी कि प्यारी’बाट निकै आशा राखेकी यी सुन्दरीले ‘राम्रो फिल्म बन्यो भने मिडियाले पनि राम्रोसँग मेहेनत नै गरेर हाम्रा कुरा राख्ने रहेछ । कुनै समय आफ्नै स्टारडममा बढी विश्वास गर्ने साम्राज्ञी अब फिल्मको कथावस्तुमा बढी विश्वास लाग्न थालेको र मिडियाको सर्पोटले फिल्मलाई राम्रो स्थान दिन सक्ने उनले बताइन् ।
सो अवसरमा उनलाई सोधिएको फिल्म चलेन भने मिडियामा आउने हेडलाइन्स र समाचारलाई कसरी लिनु हुन्छ भन्ने प्रश्नमा उनले भनिन्–‘राम्रो फिल्म बन्यो भने त मिडियाले पनि नराम्रो लेख्दैन नी भन्दै उनले मिलाएर शान्त पारामा उत्तर दिइन् ।
