काठमाडौं -अभिनेत्री रेजिना उप्रेतीले चलचित्र कलाकार संघको अध्यक्ष पदमा उम्मेदवारी दिने घोषणा गरेकी छन् । उप्रेतीले आफ्नो सामाजिक सञ्जाल फेसबुक अध्यक्ष पदमा उम्मेदवारी दिने जानकारी गराएकी हुन् ।
उप्रेतीले आफ्नो सामाजिक सञ्जाल फेसबुक मार्फत आगामी चैत ४ गते हुने संघको महाधिवेशनमा नेतृत्वका लागि प्रतिस्पर्धा गर्ने जानकारी गराएकी हुन् । आफू निर्वाचित भए संघलाई क्रियाशील र रचनात्मक बनाउने उनले दावी गरेकी छन् ।
उनले भनेकी छन् ‘आफू २४ वर्ष निरन्तर संघको सदस्य रहेको, आजीवन सदस्य हुँदै केन्द्रीय उपाध्यक्ष र वरिष्ठ उपाध्यक्ष भइसकेकाले अध्यक्ष पदका लागि आफू योग्य छु’
उनीहरूको उम्मेदवारी घोषणा कतिको सफल हुनेछन् भन्ने कुरा निर्वाचनको दिनले नै निर्धारण गर्नेछ । यसैबीच, कलाकार संघको आगामी महाधिवेशनमा अभिनेता सविन श्रेष्ठले समेत अध्यक्ष पदका लागि उम्मेदवारी दिने घोषणा गरेका छन् । यति बेला भने संघको अध्यक्ष पदका आकाङ्क्षीहरूको सङ्ख्या बढ्दै गएको हो ।
