काठमाडौं । अभिनेत्री पूजा शर्मा पछिल्लो समय प्रेम समबन्धका कारण चर्चामा छिन् व्यवसायी युद्ध बानियाँसँग गम्भीर प्रेममा रहेकी पुजाले पछिल्लो समय आफ्नो प्रेम सम्बन्धको बारेमा खुलेर कुरा गर्न थलेकी छन् ।
सार्वजनिक कायृक्रममा समेत सँगै देखिन थालेको यो जोडीले भविष्यको योजना समेत बनाइरहेको छ । उनीहरुले खुलेरै सामाजिक सञ्जालमा उनीहरुले प्रेम प्रदर्शन गरिरहेका छन् । आज उनै पूजाका प्रेमी युद्धको जन्म दिन परेको छ । सामाजिक संजालमा स्टाटस लेख्दै जन्म दिनको शुभकामना दिएकी छन् ।
बर्थडे शुभकामना दिंदै पूजाले प्रेमीलाई भगवानले दिएको उपहार भएको बताएकी छन् । उनले लेखेकी छन् ‘जन्मदिनको शुभकामना । तिमी मेरो सबैभन्दा राम्रो उपहार हौ, जसलाई भगवानले मलाई दिनुभएको छ । म तिमीलाई सधैंभरि माया गर्छु । तिमी मेरो जीवनमा त्यतिबेला आयौ जब म पूरै टुटेको थिएँ । तिमी नै मेरो मुहारको मुस्कान, मेरो आँखामा हाँसो र मेरो जिन्दगीको खुसीको कारण हौ ।’
जन्मदिन शुभकामनासँगै पूजाले प्रेमीसँगका रोमान्टिक तस्वीर पनि सेयर गरेकी छन् जहाँ उनीहरु रमाएका देखिन्छन् । युद्धले पूजा र आफ्नो तस्वीर अंकित टिसर्ट पनि लगाएका छन् । जन्मदिनमा अभिनेत्री श्वेता खड्काले समेत ज्वाईंसाहेब भन्दै शुभकामना दिएकी छन् । युद्धसँग प्रेमपछि पुजालाई नायक आकाश खड्कालाई धोका दिएको आरोप लागेको थियो ।
