काठमाडौं । नायिका जल शाह छोरी कलशसहित नेपाल आएकी छिन् । नायिका शाह ४ वर्षको अन्तरालमा नेपाल आएकी हुन् ।
नेपाल आएको मौका उनी कार्यक्रम इन्द्रेणीमा पनि सहभागी बनिन् । सामाजिक कर्ममा पनि सक्रियता जनाइरहेकी यी सुन्दरी अभिनेत्रीको साथमा इन्द्रेणीमा नायकद्धय रमेश उप्रेती र दिलीप रायमाझीले पनि सहभागीता जनाएका थिए ।
कुनै बेला नेपाली फिल्मबाट दर्शकको मनमुटुमा बस्न सफल नायिका शाह विगत लामो समयदेखि शाह श्रीमान र एक छोरीसँग अमेरिकामा बस्दै आइरहेकी छिन् । हालै नेपाल आएको मौका उनले सञ्चारकर्मीहरुसँग कुराकानी गर्दै ‘फिल्ममा अभिनयसँगै निर्माणमा फर्किने योजना रहेको बताएकी थिइन् ।’‘आउँदा दिनमा हामी मौलिक नेपाली फिल्म निर्माण गर्ने योजनामा छौं, शाह ले भनिन् ।
नायिका शाह र उनका सहकर्मी अभिनेता रमेश उप्रेतीसँग न्युज पिल्मीले कुराकानी गर्दै दर्शकको रमाइलो प्रश्न जल र रमेशको फिल्ममा जमेको यो जोडीले किन विबाह गरेन भनेर सोधेका छन् ।
पहिलो फिल्म यात्रा ‘अवतार’ फिल्मबाट सुरु गरेकी जलले‘पराइ घर’, ‘शंकर’, ‘ठूलदाई’, ‘नेपाली बाबु’, ‘एक नम्बरको पाखे’, ‘नाता रगतको’, ‘नेपाल प्यारो छ’, ‘बुहारी’ जस्ता हिट फिल्म दिएकी छिन् । नायिका जल, उनकी छोरी कलश र अभिनेता उप्रेतीसँग गरिएको यो रमाइले कुराकानी भिडियोमा हेर्नुहोस्
