काठमाडौं । फिल्म ‘हात्तीछाप’ नायिका उपासनासिंह ठकुरीले अभिनय गर्ने भएकी छन् । यस अघि फिल्ममा सौगात मल्ल, दयाहाङ राई, बुद्धि तामाङ, पुष्कर गुरुङ, प्रकाश घिमिरे लगायत अनुबन्धित भइसकेकोमा अब आएर नायिकामा उपासनासिंह ठकुरी अनुबन्धित भएकी हुन् ।
फिल्ममा उपासनाले राम्रो रकम लिएर अनुबन्धित भएको बताइएको छ । त्यस्तै फिल्ममा दयाहाङले पनि महंगो रकम लिएर फिल्ममा काम गर्न लागेको समाचार यस अघि नै बाहिर आएको थियो । अन्य दुई अभिनेत्री फाइनल गर्ने तयारीमा रहेको निर्माता किरण नेपालीले बताए ।
सिमोस सुनुवारले निर्देशन गर्ने एक्सन(थ्रिलर फिल्ममा गण्डकी प्रदेशका युवा तथा खेलकुदमन्त्री दीपक मनाङेले व्यवसायी अमलादेवी राईसँग मिलेर हात्तीछाप निर्माण गर्न लागेका हुन् । उपासना अभिनित फिल्म ‘डिसेम्बर फल्स’ अहिले हलमा चलिरहे पनि फिल्म असफर बन्न पुगेको विश्लेषक बताउँछन् । आर्यन सिग्देलसँग काम गर्दा राम्रो प्रतिफल पाउन नसकेकी उपासनाले नयाँ फिल्ममा काम पाएर उनी भने फेरी एक पटक ब्यस्त बन्ने भएकी छिन् ।
