काठमाडौं-बलिउड अभिनेता बिक्की कौशलले रेन्ज रोवर किनेका छन्। बिक्कीले इन्स्टाग्रामममा गाडीको छेवैमा उभेर खिचेको फोटो सार्वजनिक गरेका हुन् । तस्विर सार्वजनिक गर्दे उनले लेखेका छन् ‘घरमा स्वागत छ साथी१ यो अत्भुत अनुभवको लागि नभ्नित मोटर्स ज्याग्वार ल्यान्ड रोवर मुम्बईंलाई धन्यवाद।’उक्त फोटोमा प्रतिक्रिया जनाउँदै फिल्म ‘ऊरीः द सर्जिकल स्ट्राइक’का निर्देशक आदित्य धारले लेखेका छन्, ‘सर्टगन! बधाई छ मेरो भाइ। अझै मिहिनेत गर्दै जानु र सफलता कमाउदै जानु।’
त्यस्तै उनकी प्रेमिका कट्रिना क्याफले पनि खुलेर नै बधाई दिएकी छिन् ।कट्रिना र बिक्की लामो समय देखी प्रेममा रहेका छन् । बेला बेला उनीहरु घुम्न गएका तस्विर सामाजिक संजाल भाइरल भइरहन्छन् । जगराज राव, जयदिप अलावत, सयानी गुप्तालगायत अन्य कलाकारले पनि प्रतिक्रिया दिएका छन्।
उनीहरूले विशेष गाडीको प्रशंसा गरेका छन्। रेन्ज रोवर बिट्रिस लक्जरी कार ब्रान्ड हो। यो पाँच सिटर एसयुभीको मूल्य भारु २ करोड ४० लाखदेखि ४ करोड ३८ लाख रूपैयाँसम्म पर्छ। जुन आठ भेरियन्टमा उपलब्ध छ।
