काठमाडौँ । अभिनेता पुष्प खड्का र नायिका साम्राज्ञी राज्यलक्ष्मी शाहलाई यतिबेला भ्याई नभ्याई छ । कलाकार सन्दीप क्षेत्री र निर्देशक रमेश एमके पौडेल पुष्प र साम्राज्ञीको टिमले पोखराबाट सुरु भएको नेपाल टुर दमकमा गरेर सम्पन्न गरिसक्दा ब्यस्त र महंगी नायिका साम्राज्ञीले यो टिमलाई मज्जैले प्रचार प्रसारमा समय दिइन् ।
डिसेम्बर फल्समा पारिश्रमिक विबाद भएपछि खुलेर प्रचार प्रसारमा हिँड्न आनाकानी गरेकी उपासना सिंह ठकुरीको डिसेम्बर फल्सले त्यति राम्रो ब्इापार गर्न नसकिरहेका बेला रमेश एमके पौडेल निर्माण तथा निर्देशित फिल्म ‘तिम्रो मेरो साथ’ को टिमले मोफसल टुर सम्पन्न गरिसक्दा पुष्प खड्का र नायिका साम्राज्ञी राज्यलक्ष्मी शाहले मज्जैले प्रमोशनमा समय निकाले ।
पोखरामा प्रेस भेटघाट र फिल्म प्रचार गरेपछि टिम चितवन झर्यो र चितवनका विभिन्न क्याम्पस, हल र मलमा दर्शकसँग साक्षात्कार गरेको टिमले त्यहाँ फिल्मको शीर्ष गीत पनि सार्वजनिक गरेको थियो। यो टोली हेटौंडा, सर्लाहीको लालबन्दी , इटहरी र दमकमा भव्य कायृक्रम गरेका थिए । जहाँ साम्राज्ञी, पुष्प र सन्दीपले प्रस्तुति दिएका थिए।
दर्शक संख्या बढी हुँदा प्रहरीलाई भिड व्यवस्थापन गर्न हम्मेहम्मे परेको थियो। फिल्ममा पुष्प, साम्राज्ञी र सन्दीपसँगै खड्क बहादुर पुन ९खबपु०, सरोज खनाल, दिपिशा केसीलगायतको अभिनय छ। यो फिल्म पुस २९ गतेदेखि प्रदर्शन हुँदैछ।
