काठमाडौं । लोकप्रिय गायक यम बरालले चर्चित गीत ‘बादलुको घुम्टोले’मा फिल्म बनाउने भएका छन् ।
केही समय अमेरिका बसेर फर्किएर गीत , संगीतसँगसँगै फिल्म निर्माणमा लागेका गायक बरालले झण्डै तीन दशकअघिको हिट गीत ‘बादलुको घुम्टोले’ निर्माण गर्न लागेका हुन् ।
इलाम, झापा लगायतका देशका रमणीय स्थानहरुमा पुगेर छायांकन गरिने फिल्मको निर्देशक पक्कापक्की भइनसके पनि फिल्मको पटकथा तथा संवाद शिवम् अधिकारीले लेखिरहेका छन् ।
तीन गीत समावेश हुने र दर्शकले यो फिल्ममा ‘बादलुको घुम्टोले’लाई नयाँ संस्करणमा सुन्न सक्ने बताएका गायक बरालले अमेरिकामा बसोबास गरिरहेका डेभिड लाम्नागेसँग मिलेर फिल्म बनाउन लागेका हुन् ।
फिल्मका लागि कलाकार छनोटको काम बाँकी नै रहेको गायक बरालले बताए ।
