काठमाडौं । टिकटक चलाउँदा एक महिलाको जागिर चट भएको छ । खबर हो स्पेनको । स्पेनकी सुपरमार्केटमा क्यासियरको रुपमा काम गर्ने ती महिलाले टिकटकमा थुप्रै भिडियो पोस्ट गरे लगत्तै उनलार्य कामबाट निकालिएको अन्तराष्ट्रिय मिडियाहरुले उल्लेख गरेका छन् ।
स्पेनको क्यास्टिला वाई लियोन क्षेत्रको सुपेरियर ट्रिब्युनल अफ जस्टिसले ती महिलालाई जागिरबाट निष्कासन गर्ने एक सुपरमार्केटको निर्णयमा सहमति जनाएसँगै ति महिलाले आँफुले न्याय नपाएको उल्लेख गरेकी छिन् ।
अदालतको ढोकासमेत ढक्ढकाएकी उनले मुद्दा हारेपछि महिला सीमार्क एसी ग्रुप एसएमा कार्यरत थिइन् । उनी उक्त कम्पनीमा सन् २००६ देखि आबद्ध थिइन् तर २०२१ को जनवरीको अन्त्यतिर आफूलाई अत्यधिक ढाड दुखेको भन्दै लामो बिदामा समेत बसेकी थिइन् ।
विदामा बसेर धमाधम टिकटक मात्रै बनाएकी उनलाई त्यहि टिकटकमा पोस्ट गरिएका भिडियोलाई आधार मानेर बर्खास्त गरिएको थियो । तल्लो ढाड दुख्यो भनेर साढे आठ महिनासम्म लिएको बिदामा रहेको रेकर्डबारे न्यायाधिशले चासो सासो राखेका थिए ।
बिरामी भएको बेलामा समेत टिकटकमा धेरै नाचिरहेको भिडियो भाइरल बनेपछि अदालतमा उनी ट्रोल नै बन्न पुगेकी थिइन् ।
