काठमाडौं । १ वर्ष अघि जब मोडल दुगेृश थापा पल शाह प्रकरणमा जोडीए उनलाई दर्शकले केही समय खेदे । उनी गएको स्थानमा हुलदंगा हुनसक्ने भन्दै उनलाई स्टेज कार्यक्रममा केही समय निषेध गरियो । तर अहिले विस्तारै माहोल फेरिँदै गएको छ । पल शाह जेलमा रहेका बेला दुर्गेशले भने यता स्टेज कार्यक्रम पाउन थालेका छन् ।
हालै उनले कपिलवस्तुमा शनिवार आयोजित चन्द्रौटा महोत्सवमा माहोललाई उत्साहित बनाए । पुसको चिसो बिर्साउँदै थापाले करिब डेढ घण्टासम्म जोसिलो प्रस्तुति दिए ।
सुरुमा बाक्लो ज्याकेट लगाएर स्टेज उक्लेका दुर्गेश जोस चढ्दै गएपछि ज्याकेट र टिसर्ट समेत फुकालेर स्न्याडो गन्जीमा देखिएका उनको पछिल्लो प्रस्तुती र दर्शकले साथ दिएको माहोलले अनेकन् विवादमा मुछिँदै र आलोचना खेप्दै आए पनि फ्यानहरूमा दुर्गेशको क्रेज नघटेको कार्यक्रमको माहोलबाट देखिन्थ्यो । स्टेजमा उद्घोषकले दुर्गेशको नाम लिनासाथ दर्शकले चर्को हुटिङका साथ स्वागत गरेका थिए ।
स्टेजमा दुर्गेशले यति धेरै उफ्राउफ्री गरे कि थरथर कमाउने जाडोमा पनि उनी असिनपसिन बनेका थिए । शिवराज नगरपालिकाका प्रमुख अजय थापाले दुर्गेशमाथि स्टेजमा आक्रमण भएको भन्दै फेसबुकमा स्टाटस लेखेपछि हैल्ला फैलाएको भएता पनि त्यस्तो नभएको दुर्गेशले दाबी गरेका छन् । मेयरले झुटो स्टाटस लेखेपछि दुर्गेशले फोन गरेर आपत्ति जनाएपछि मेयर थापाले आफ्नो स्टाटस डिलिट गरेका थिए ।
